பாடல் காட்சிகளில் நான் நடிக்கவில்லை என்று சொன்ன நஸ்ரியா மீடியா நண்பர்களோடு அமர்ந்து படம் பார்த்து இது நானில்லை டூப் என்று சொல்ல தயாரா? என சற்குணம் கேள்வி எழுப்பியுள்ளார்.
வாகை சூடவா புகழ் சற்குணம் இயக்கத்தில் தனுஷ், நஸ்ரியா ஜோடியாக நடித்து வரும் திரைப்படம் நய்யாண்டி.

இப்படம் வருகின்ற 11ம் திகதி வெளியாகும் என்று அறிவிக்கப்பட்டிருந்தது.

இந்நிலையில் என்னுடைய தொப்புளுக்கு டூப் போட்டுள்ளார் என்று இயக்குனர் சற்குணம் மீது நஸ்ரியா புகார் அளித்துள்ளது பரபரப்பை ஏற்படுத்தியுள்ளது.

இதுகுறித்து சற்குணம் கூறுகையில், நய்யாண்டி திரைப்பட நாயகி நஸ்ரியா பத்திரிகை மற்றும் ஊடகங்களுக்கு அளித்து வரும் பேட்டிகளில், நய்யாண்டி படத்தில் வரும் ‘இனிக்க இனிக்க’ பாடல் காட்சியில் நஸ்ரியாவிற்கு பதில் வேறு பெண்ணை வைத்து முழுப்பாடலையும் எடுத்திருப்பதாகவும், டிரைலரில் ஒரு க்ளோஷ் அப் ஷாட்டில் டூப்பை பயன்படுத்தி இருப்பதாகவும் கூறியுள்ளதை நீங்கள் அறிவீர்கள்.

நான் ஏற்கனவே களவாணி, வாகை சூடவா ஆகிய நல்ல தரமான படங்களை இயக்கி தேசிய விருது பெற்றுள்ளேன் என்பதையும் நீங்கள் அறிவீர்கள்.

இனிக்க இனிக்க பாடலில் ஒரு இடத்தில் கூட நான் டூப்பை பயன்படுத்தவில்லை. அதில் நடித்திருப்பது நஸ்ரியாவை தவிர வேறு யாரும் இல்லை.

படத்தை எடிட்டிங் பண்ணும்போது ஒரு காட்சியில் அக்காட்சியின் CONTENT பார்வையாளர்களை சென்றடைய ஒரு க்ளோஸ் அப் ஷாட் அவசியப்பட்டது.

நஸ்ரியாவிடம் நான் ஒரு க்ளோஸ் அப் மட்டும் வந்து நடித்துக்கொடுத்துவிட்டு போ என்று சொன்னேன்.

இதற்காக நான் கேரளாவில் இருந்து வர முடியாது வேறு யாரையாவது வைத்து எடுத்துக்கொள்ளுங்கள் என்று சொன்ன நஸ்ரியாவிற்கு இப்போது என்ன பிரச்சனை என்று தெரியவில்லை. ஒரு வேளை தன்னுடைய பப்ளிசிட்டிக்காக கூட செய்திருக்கலாம்.

ஒரு வேளை நஸ்ரியாவிற்கு டிரைலரில் வரும் அந்த ஒரு க்ளோஸ் அப் ஷாட் உறுத்தலாக இருந்தால் அதை நான் நீக்கவும் தயார். ஆனால் இனிக்க இனிக்க பாடல் காட்சியில் நான் நடிக்கவில்லை என்று சொன்ன நஸ்ரியா மீடியா நண்பர்களோடு அமர்ந்து படம் பார்த்து நானில்லை டூப் என்று சொல்ல தயாரா?

இந்த படத்திற்கு யு சான்றிதழ் கிடைத்திருக்கிறது என்பதை இந்த நேரத்தில் உங்களுக்கு தெரியப்படுத்தி கொள்ள விரும்புகிறேன்.

மேலும் இது குடும்பத்துடன் அமர்ந்து பார்க்க கூடிய பொழுபோக்கான குடும்ப படம் என்றும் கூறியுள்ளார்.